Tasty Home 
港鐵作為香港市民的主要交通工具之一，相信唔少打工仔都要迫地鐵返工。返工搭地鐵總會有幾個難頂的地鐵站，今日就同網民一齊盤點一下，3大難頂港鐵站。
行最耐車站——鰂魚涌
不少網民都投訴，鰂魚涌轉車極不方便。「將軍澳去港島東方向，每次轉車都係又要上上落落先轉到車，人又多，都唔知邊個諗出嚟」、「仲要行好耐先可以上到地面⋯」、「我係柴灣出黎轉將軍澳線過海寧願去北角站都唔行鰂魚涌站」
但有網民指出，鰂魚涌站轉車麻煩背後有歷史原因。「鰂魚涌同太古，底係大量花崗岩建築嗰陣時係比較困難同埋當年冇預計會有觀塘線伸延，本來預太古做轉乘站，太古本來都有晒預留設施，不過要就東隧出口，變咗鰂魚涌轉車。」
其實，1984年初，政府有意發展東區海底隧道，作為行車和鐵路兩用隧道，其中鐵路部份以地鐵觀塘綫由觀塘站經藍田站延伸至香港島。原本計劃觀塘綫在太古站和港島綫交匯，但因為要遷就行車隧道的走線，最後改以鰂魚涌站作為兩線交匯的車站。
最逼港鐵站——金鐘
相信返工要在金鐘站轉車的打工仔們，一定深深感受到金鐘站的「迫」。作為三線轉車站，在繁忙時間等5、6班車是平常事，在擠逼的月台等待後，惡夢仲未完結，上車後也要迫地鐵。難怪有網民表示「寧願搭叮叮算」。
就連音樂組合「my little airport」也為金鐘站的「逼」為題寫歌，my little airport以金鐘在繁忙時間的嚴重擠逼時況作為靈感創作了歌曲《給金鐘地鐵站車廂內的人》， 控訴同樣身為苦主的乘客，上了車後不願步入車廂中間，但求自己容易下車卻不理他人，違背自己在四班車前「渴望上車」的初衷。
最熱車站——紅磡站
紅磡站作為設有架空路段的車站，車站和月台都沒有冷氣，通風設施亦不足。有網民直言「企耐少少，我驚人都溶」。
亦有網民表示紅磡站作為交通樞紐，港鐵為何不認真處理該站的通風問題。「唔通風，明明係交通樞紐，港鐵一年搵咁多，你都翻新下，靜係識起個靚靚既直通車站。但老老實實紅磡橋果邊先係最熱囉。」、「紅磡站落月台果條扶手電梯熱到痴撚線。」
近日港鐵為紅磡站進行翻新，並加裝了冷氣系統。惟乘客表示，由月台步行到大堂的過程，都感到「又焗又熱」；亦有乘客感覺分別不大。
要逼地鐵的打工仔們，你又認為哪一個站最難頂呢？
