Christy 
如果人生第一次要搬出嚟獨居，有乜嘢傢俬、電器及家品係必需要添置嘅呢？有網友就喺連登討論區發帖向網民求教意見，當你諗住應該係梳化、床褥、洗衣機等等，原來網民竟然覺得最重要嘅並唔係呢啲……究竟搬出嚟獨居，乜嘢係重要嘅呢？
樓主話「新居」面積大約600呎左右，10年樓齡內，網民彈出第一個提議：「氣炸鍋」，樓主回應：「已經睇緊，未諗好買咩size」，另一大建議係洗碗機：「家電來講，必買嘅一定係洗碗機，呢樣野絕對唔會後悔，只會後悔點解唔早買」、「最緊要係一個大mon」、「買一個好嘅speaker/headphone，音樂可以幫你渡過寂寞」，樓主話：「睇緊sound bar了」。
有網民好有系統咁分析咗獨居要預備乜嘢：「床、雪櫃、microwave、電腦就走唔甩，當你電腦已經有，都係4/5K左右搞得晒，書枱睇你喜好，摺枱都過到日子，如果你要返工返學其實都係返黎（嚟）瞓，其他嘢外邊都有服務，洗衫嗰啲唔好自己煩啦！買多件嘢又多件嘢壞，會自己煮嘢咪多個電爐，又可以打邊爐咁凍最岩（啱），儲物呀，衣櫃嗰啲睇你有幾多嘢！一個人住就好簡單，但如果你係仔，第時有條女黎（嚟）同居，你就預無左（咗）一大半空間啦！唔理你租邊度，生活費你最低都預四千先搞得掂（計埋水電同埋餐餐兩餸飯，未計交通）」。
對於要獨居，有網民指最重要係洗碗碟機，唔會買錯，只會後悔遲咗買。
亦有網民覺得獨居必要氣炸鍋。
想輕便一點，唔使買書枱，用摺枱都可以。
第一次買床架同床褥個陣先知，原來呢兩樣嘢咁貴！
關於買傢俬，有搬出嚟獨居經驗嘅網民分享：「利申溫室小花，記得我第一次買床架同床褥個陣先驚覺：X你老母，原來依兩樣野（嘢）咁X貴」，樓主就回應：「床仲要連去宜家買平野（嘢）都幾貴下（吓）」，有網民好有同感：「真係！雖然ikea個床架好X嘈，但都好貴，所以下年搬個（嗰）陣都會拆返，搬去新居繼續用」，樓主都有相同經驗：「根據之前經驗，每拆一次之後裝返就會越嚟越嘈」，一講開砌宜家嘅床，網民都好有共鳴：「搬一次就買一個床架好X貴，同埋真係好難砌呀！！！！！」，樓主都有心得：「IKEA 個d都算易砌，不過自己一個會有d難搞」。
又有網民建議：「藍芽speaker，好舒服既（嘅）床褥、梳化、玩具櫃」，講到梳化，樓主就想知係咪真係咁必要：「其實梳化係咪咁緊要呢？因為都唔平+下次搬屋會好似好麻煩」，有網民就話：「我屋企係冇電視冇梳化」，有網民就話speaker重要過梳化：「睇你會唔會招呼朋友上黎（嚟），唔會就一切從簡，食飯枱 2張凳（一張long腳），走轉ikea果類傢俬店慢慢睇下（吓）有咩可以揀，預下（吓）budget（上星期做完呢樣嘢），不過speaker真係必須（需）」， 有網民就認為梳化係咪「必需」，其實係視乎樓主嘅社交生活：「我覺armchair可以代替梳化，不過有friend/男朋友到訪的話，梳化就有好用」。
有獨居經驗嘅網民，話當年第一次買床架同床褥個陣先知，原來呢兩樣嘢咁貴。
網民認為除非經常有朋友到訪，否則梳化都並非獨居的必要品。
獨居後悶同唔開心時想有人吹水都無！
但有好窩心嘅網民指出，其實獨居最大嘅準備，並唔係任何傢俬或電器，而係要學習獨處以及要面對寂寞嘅心理準備：「準備好咩都要靠自己，無人會幫你洗衫煮飯打掃。少左（咗）份關心，多左（左）份寂寞。」，樓主亦似乎已有心理準備：「依個真……收工返到屋企仲要諗食咩/煮咩！所以更加想睇下（吓）大家有冇咩idea，等我可以參考下（吓）」，網民就有建議：「預備足夠金錢，頭兩個月都幾爽，之後有時會悶同埋唔開心時想有人吹水都無。必買呀，一個飯煲或者微波爐已經夠煮好多嘢，希望你住得開心愉快。」，樓主深感呢個回應好窩心：「多謝你啊巴打！其實返到屋企咩人都冇個下（吓），個孤獨感都應該會難頂！唯有多d屋企人講下（吓）電話，見下（吓）咁」，對於獨居嘅孤獨，有網民大叫：「好悶，好空虛」、「開電視，叫做有啲聲音咁……」、「我會同friend video call！大家開住做自己嘢，得閒搭兩句爹，有時候都好想同人分享下當刻感受，eg煮好一餐，煲完套劇」，而樓主已經諗定解決方法：「已經準備好擺幾隻speaker係到（度），等間屋冇咁靜」。
窩心網民指出，其實獨居最大嘅難題並非傢俬電器，而係點樣處理孤獨感。
獨居之後返到屋企無家人分享感受及關心你，惟有多啲同家人傾電話或者見面。
樓主表示會喺屋企放幾個speaker，播吓音樂，驅走寂寞感。
