Daughter X 
今期講下咳嗽，感染新冠後康復已經有一段時間，但都仲有兩聲咳，出街個時要就住就住唔敢咳出聲，但喉嚨又癢，好辛苦唔知點算好？
咳嗽係新冠較為常見嘅後遺症，係中醫嘅角度嚟睇，高熱同過度出汗係會損傷人體津液，當津液受到損傷，津液不足時，就會有乾燥嘅表現出現。而熱病後肺陰受到耗傷，氣失清肅，就會出現咳嗽。所以，以滋陰潤肺的湯可以舒緩乾咳的問題。
常見症狀
陰虛：久咳不止，無痰或痰少而黏，難以咯出，或痰中帶血絲，形體消瘦，口乾，咽喉乾涸，喉嚨發癢。
《潤肺止咳湯》
材料：川貝5克、海底椰片10克、沙參15克、玉竹10克、麥冬10克、百合15克、南北杏各5克、生薏仁10克、元肉10克、陳皮一角、瘦肉300克。
適合乾咳、久咳人士。
《調理老毛病》會於逢星期日 中午12:00 於Tasty Home Facebook page 及 Instagram 刊登，如果覺有有用記得比個 like 同 share 比身邊嘅朋友，我地下星期同樣時間見！
