Tasty Home 
特色單位一般包括連天台、平台、複式、打通相連單位。香港住宅寸金尺土，一個連帶平台的物業售價，往往比相隣的單位更高。但有網民質疑，香港的低層平台的特色單位十分容易「中伏」。他指出，住戶的一舉一動都會被鄰居看見，完全沒有私隱可言。如果特色單位平台位於市區，平台景觀便會被大廈包圍，「想望下個天都冇機會」。
有網民表示贊同，認為特色單位平台用處不大，而且會帶來不少麻煩，十分雞肋。「垃圾都可以掃，如果不幸有人跳樓，你間屋都會變兇宅。」、「我之前都有咁諗！但有朋友住過e d 單位，日日返屋企掃垃圾！」、「樓上拋垃圾事小，唔小心跌個煙灰盅， 晾衫棍， 小型盆栽， 真係可大可小 。」、「平台如鷄肋，食之無味棄之可惜！」
但亦有住特色單位的網民表示，只要選擇得宜，特色單位平台並非一無是處。「我屋苑屬於低密度，合共6層，所以好少有人扔垃圾落平台」、「裝電子簷篷就有私隱，有個大露台燒烤、放個水池玩水，大可以種植，好用！」
跳落嚟變咗凶宅？毋須杞人憂天
雖然特色單位平台的確有風險，但其實機率真的微乎其微。事實上香港凶宅數目並不多，大概只有一萬個紀錄。扣除公屋居屋，只有幾千個，相比全港百多萬個私人住宅單位，幾百個單位先有一個凶宅，仲要跳樓中平台，可能真係萬中無一！當然，曾經發生過類似的悲劇。另外，你的平台有多大？多數平台只有2、300呎，要有人跳中你的平台，其實也不容易，中只能慨歎好彩，但亦毋須杞人憂天。
你會否考慮住在有平台的特色單位呢？
